الفن الجديد: بقلم VIP600

نبيل 2000

ابتكلم عن هالشريط لأني اعتبره من افضل ما نزل هالسنه ، والشريط فيه تسع اغاني وهي :

منســـاك : خذك الزمان وراح ... واللي بقى لي طيف

الكلمات بصراحة مسكّته من جد اما الألحان فمهيب غريبه على مشعل العروج اللي دايم يتحفنا بالألحان الرايقه. والأغنيه قصيره .. تخبرون علشان يشيل الشريط باقي الأغاني  والأغنيه اعطيها 10 من 10

كذبـــوا : كذبوا باللي حكوا لك كذبوا ... كل من قالوا نسيتك كذبوا

الكلمات لعلي الفضلي والألحان لمشعل (بس مهوب مشعل حق منتدى الهلالين) والأغنيه ما جازت لي بالحيل لأنها تتكلم عن العواذل وهالكلام قديم وياكثر ما سمعناه ... بس الألحان هي اللي رفعت اسهم الأغنيه حتى انها تعدت اسهم الراجحي.

والأغنيه اعطيها 7  من 10

دلوعـــه : ما دام حلوه يا قلبي ... دلوعه لازم تصير

هذي الإغنيه اثارت جدل كبير عند البنات وبالذات المقطع اللي يقول " يا قلبي والله البنات ... تسحرهم بكلمتين " فيه بعض البنات كره الأغنيه وبعضهم ما عاد يسمع لنبيل شعيل اما البنات اللي واثقات من انفسهم .. اعجبتهم الأغنيه ... اما رأي فالأغينه رائعه من روائع نبيل 

والأغنيه اعطيها 10 من 10

مالك شبيه : مالك شبيه يا احلى الناس كلهم ... مالك شبيه يا اغلى الناس كلهم

هذي من الأغاني تدخل جو ، وفيها تلاعب بالتوزيع الموسيقى رايق وداخل عليها ايقاع مصري في مقطع ( يا اغلى الناس ) والإغنيه تستاهل 8 من 10

الهـــوى : الهوى ما هو كلام .. وصورة تحت الوساده .. تاخذيها .. تحضنيها لما تشتاقي زياده

عاد هالأغنيه سواليف ودايم اقدمها بالشريط ولا اسمعها ولا اعجبني لا كلمتها ولا الحانها والظاهر انها تكملة عدد ... وعلشان بلبل ابعطيها 2 من 10 لازم ادفه علشان ينجح بالإختبار

(يا الله وش رايكم نقلب الشريط)

طبعاً غيـر : حبيبي انا قبل ما اشوفك والقى امانيك ... واحبك .. وانسى احزاني .. كان انت في حياتي ... يا حياتي .... خوف والم

الأغنيه هذي ايقاعها مصري ورمانسيه ونقازيه بنفس الوقت .. عاد شلون جت مع بعض ما ادري ... واحلى مقطع اذا قال "لكن انت يا عمري غير" بس انها يقول فيها هيهات انه يعشق غير حبيبه وانا اقوله .. ما يندرى عندك يا بلبل وتستاهل الإغنيه 10 من 10

قهـــر : هو حبكم والحب للعاشق قدر

الظاهر اللي كاتب الإغنيه قصيمي او من اهل حائل لأنه يقول فيها "وضاع عومروه وقلبوه" واسم اللي كاتبها تركي ونبيل حاكر اللهجه صح هههههههههههه

الإغنيه هذي بدت وخلصت وما امداني اكتب عنها شئ 

واعطيها 6 من 10

شايــف : شايف نفسك علي ... يازين .. بأسباب طبعك .. يا علتي عله

يا زين ذا الإغنيه توني سامعها والحين قاعد اعيدها لأنها بصراحة ما يمل منها الواحد ابد  ... وتتكلم عن الطبع الشين اللي هو شوفة النفس .. واحلى مقطع اذا قال " ياويلك من الله ودعوة المظلوم"  ... ايقاعها مصري .. بس جابها بطريقه حلوه واكيد ان هالأغنيه تستاهل 10 من 10 ما قلت لكم كريم بالدرجات لو اني  مدرس كان ما سقط عندي ولا واحد 

مسك الختام : حبك حبيبي مسك الختام ... حظي ونصيبي وعدي الأيام

بدايه الإغنيه كنت احسبها لنجوى كرم ... والإغنيه مصريه كلمات والحان وما اعجبتني مررررتن بالحيل ... وما اعطيها اكثر من 1 من 10

وتطلع درجات الشريط 74 من 100 بعد ما دفيته 10 درجات من عندي ... يعني بالواسطه مجموعه يدخله طب

وهذي بعض المقاطع اللي اخترتها لكم من الشريط فضلا أضغط الصوره

ونشوفكم على خير مع شريط جديد

=================================